అతిలోక సుందరిపై బిగ్ బి ప్రశంసలు

ఇటు దక్షిణాదిన, అటు ఉత్తరాదిన హీరోయిన్ గా హల్ చల్ చేసిన శ్రీదేవి వివాహం తరువాత సినిమాలకు దూరంగా జరిగింది. అయితే సుదీర్ఘ కాలం విరామం తరువాత శ్రీదేవి ఇంగ్లీష్-వింగ్లీష్ సినిమాలో నటిస్తోంది. ఈ సినిమా వచ్చే నెల 5న విడుదల అవుతుంది.

హిందీతో పాటు, తమిళ, తెలుగు భాషల్లో ఏకకాలంలో ఈ  ఇంగ్లీష్-వింగ్లీష్ సినిమా విడుదల అవుతుంది.  కాగా, ఈ సినిమా స్పెషల్ షో ను బాలీవుడ్ బిగ్ బి అమితాబ్ బచ్చన్ వీక్షించారు. ఈ సినిమాలోని కొన్ని సన్నివేశాలు మనసుకి హత్తుకుపోయేలా ఉన్నాయని, శ్రీదేవి నటన హృదయానికి తాకేలా ఉందని ప్రశంసించారు.

ఓ సూపర్ హిట్ తో శ్రీదేవి తన రెండవ ఇన్నింగ్స్ ను ఆరంభించడం ఖాయమని బిగ్ బి తెలిపారు.